Gazal - Bujhta hua charagh hawaon se lar Gaya

Main jaan ba-lub tha asoolon pe Arr Gaya.
Bujhta hua charagh hawaon se lar Gaya..

Kis kis ka sath de koi melay ki bheer mein,
Phir youn hua k wo bhi Achanak bichar Gya..

Main ne qadam barhaye jo sehra ki traf,
Ghabra k mera saaya meray paon parr gya..

Us aainay k aks ultay thay sub k sub,
Mujh ko ye weham tha mera chehra bigar Gya..

Mere dil-e-ghareeb ki veeraniyan to dekh,
Kesa Nagar tha jo teray hathon ujar Gya.