Apna Usey Banana Gar Mere Bas Me Hota,
Laut Aata Laut Aana Gar Mere Bas Me Hota...
Aankhon Mein Unki Jata Surat Badal Badal Kar,
Khawabon Me Aana Jana Gar Mere Bas Me Hota...
Chehre Ko Muskurahat Se Mai Sajaye Rakhta,
Aye Yaar Muskurana Gar Mere Bas Me Hota...
Duniya Se Khatam Karke Rakh Deta Ranj-O-Gham Ko,
Bazm-e-Tarab Sajana Gar Mere Bas Me Hota...
Qadmon Me Unke Lakar Taare Bikher Deta,
Taaron Ko Tod Lana Gar Mere Bas Me Hota...
Lata Na Naam Bhi Mai Us Bewafa Ka Lab Par,
Yaad Ko Bhulana Gar Mere Bas Me Hota…
----------------------------------
Gazals, Hindi Poetry, Urdu Poetry,
----------------------------------
