Barson Ke Intzaar Ka Anjaam Likh Diya
Kagaz Pe Shaam Kaat Ke Phir Shaam Likh Diya
Bikhri Pari Thi Toot Ke Kaliyaan Zameen Par
Tarteeb De Ke Maine Tera Naam Likh Diya
Aasaan Nahi Thi Tark-E-Mohabbat Ki Daastaan
Jo Aansuon Ne Aakhri Paigaam Likh Diya
Allah! Zindagi Se Kahan Tak Nibhaoon Main
Kis Bewafa Ke Saath Mera Naam Likh Diya
Taqseem Ho Rahi Thi Khudayi Ki Nematein
Ik Ishq Bach Gaya So Mere Naam Likh Diya
Kisi Ki Den Hain Yeh Shayari Meri
Iski Ghazal Pe Jis Me Mera Naam Likh Diya
-------------------------------------------
Gazals, Hindi Poetry, Urdu Poetry, Shayari,
-------------------------------------------
