Din Guzartay Hain Kaha, Raat Kaha Hoti Hai
Dard Kay Maron Say Ye Baat Kaha Hoti Hai
Ak Say Chehray Tu Hotay Hain Is Dunya Main
Ak See Sorat -e- Halaat Kaha Hoti Hay
Zindagi Kay Kesi Morr Pay Wo Milay Gaye
Mil Tu Jatay Hain Mulaqat Kaha Hoti Hay
Aasmano Say Koii Boond Nahi Barsay Gi
Jaltay SehraO Main Barsaat Kaha Hoti Hay
Yon Tu Ouron Ki Bohat Baatain Sunaii Un Ko
Apni Jo Baat Hay Wo Baat Kaha Hoti Hay
Jesi Aaghaz -e- Mohabbat Main Howa Karti Thi
Wesi Phir Shiddat -e- Jazbaat Kaha Hoti Hay
Pyaar Ki Aag Bana Deti Hay Kundan Jin Ko
Un Kay Zehno Main Bhala Zaat Kaha Hoti Hay
______________
------------------------------------------
Gazals, Hindi Poetry, Urdu Poetry, Shayari
------------------------------------------
