Dasht Mein Pyaas Buhjatey Huye Mar Jatay Hain
Hum Parinday Kaheen jatay Huye Mar Jatay Hain
Hum Hain Sookhay Huye Talaab Pay Baithay Huye Hans
Jo Taulluq Ko Nibhatay Huye Mar Jatay Hain
Ghar Pahunchta Hai Koi aur Humaray Jaisa
Hum Teray Shaher Se Jatay Huye Mar Jatay Hain
Un Kay Bhi Qatal Ka Ilzaam Humaray Sir Hai
Jo Humain Zaher Pilaatay Huye Mar Jatay Hain
Yeh Mohabbat Ki Kahani Nahi Marti Lekin
Log Kirdaar Nibhatey Huye Mar jatey Hain...
Hum Hain Wo Tooti Huyi Kashtiyon Walay TABISH
Jo Kinaroon Ko Milaatay Huye Mar jatay Hain
~~~~~~~~~~~~~~~~~~~~~~~~~~~~~~~~~~~~~~
-------------------------------------------
Gazals, Hindi Poetry, Urdu Poetry, Shayari,
-------------------------------------------
