gum ki tabah kaariyon ko kam na kar sake
koi ilaaj hum dil-e-barham na kar sake
dil ke dyar-e-shauq mein jalta hua diya
lo uski khwahishaat ko maddham na kar sake
sazeena-e-hayaat ko chheda to baar baar
sur mein kisi bhi saans ki sargam na kar sake
zakhmon ko mere jo bahut humdardiyaan mili
magar mere dard ka marham na kar sake
rasmon ne dali paanv mein zanzeer iss tarah
kuchh tum na kar sake kabhi kuchh hum na kar sake
aansoo diye kisine kisise mile fareb
hum dastras mein wasl ke mausam na kar sake
badle meri hayaat ki ek ek saans ke
mujhe woh pyar faraaham na kar sake.
-------------------------------------------
Gazals, Hindi Poetry, Urdu Poetry, Shayari,
-------------------------------------------
