Aaj naa jane kyun rone ka mann kiya,
Aaj naa jane kyun rone ka mann kiya
Maa ke anchal me sar chhupa ke sone ka mann kiya
Duniya ki is bhag daud me kho chuka tha riste sab
Aaj phir un riston ko ek sire se sanjone ka mann kiya
Kisi din kisi bheed me dekhi thi kisi ki aankhen
Aaj fir un ankhon me khone ka mann kiya
Roj sapno se baatein karta tha main
Aaj na jane kyun unse muh modne ka man kiya
Jhooth bolta hoon apne aap se roj main
Aaj na jane kyun khud se ek sach bolne ka mann kiya
Dil todta hoon sab ka apni baaton se main
Aaj na jane kyun ek toota hua dil jodne ka mann kia
Dard dil ka dil me rakha hai maine ab tak
Aaj na jane kyun tumse har dard kahne ka dil kiya
Bahut baha liye maine aansu akele muh chhupakar
Aaj tere seene se lagkar betahasha rone ka dil kiya
Aaj naa jane kyun rone ka mann kiya
Maa ke anchal me sar chhupa ke sone ka mann kiya
~~~~~~~~~~~~~~~~~~~~~~~~~~~~~~
-------------------------------------------
Gazals, Hindi Poetry, Urdu Poetry, Shayari,
-------------------------------------------
